أحــاســيــس انـــســــان *

الم حرمان.والغربه لهـا فـي داخلـي تيـار
جفا وفراق والتجريـح ثـار بصمـت تيـاره
معاناة واسى واهات هـم ومفتـرق وامـرار
ضياع ولوعه وهاجس يجـي ويعيـد تذكـاره
الـم حيره.المغيره.الـم ذكرى.الـم تـذكـار
سكوت وهمس والتعبير كذب وطال مشـواره
ردي حظ وله الدنيا هواجيس وصحاري قفـار
شقا واحزان في دنيا صدق من قـال غـداره
ظما قلب.وظما درب وشكاوي الليـل للسهـار
ومن خاوى الليال السود لازم تطفـي انـواره
ظلام وخوف والهجران حيل اتعب غريب الدار
وزاد بهجره وياسه سموم القيـض وغبـاره
مشيت وشلت حمل من الهموم الكايدات كثـار
اببعـد عنـك يادنيـا ......بليـا شـك دواره
بكيت احييت في قلبي جروح من العذاب صغار
شكيت ابديت راي اعمى بحبٍ كنـت صقـاره
ظروفي بحر.ياخوفـي وانـا بعماقهـا بحـار
اغوص اغرق ابتمسك عجزت ارقى على بكاره
صداي حروف مبحوحه هقاوي والجروح كبار
بعيد وتاهـت افكاره...قريـب يطالـب بثـاره
عذاب اقضي به الايام كل يوم احتـرق بالنـار
هواجيس الزمن طافت علـى الايـام محتـاره
جمعت الشوق بيدينـي ولكنـه بغفلـه طـار
يروح ويرجع وذكراه مكتوبـه علـى جـداره